NOC Coffee Co. (已結業)

周末，好钟意自己个人漫无目的咁，由上环漫步去到中环，沿途总会有啲小惊喜，就好似今日咁。行到去歌赋街即刻眼前一亮，白雪雪嘅外墙，透过玻璃门可以见到里面简洁嘅装修，一睇原来系NOC 新开嘅中环分店。舖头无论内外都装修得非常之简洁，基本以白色同灰色为主，简单得嚟又舒服。老细可谓将简洁进行到底，舖头嘅凳就用咗石屎阶级加坐垫嚟代替，够晒特别。落完Order后，随即有靓仔Barista劲用心咁为你手冲咖啡，杯咖啡应该会甜到漏：）- White M（$38）拉花够靓仔，奶泡丰满幼滑又唔易散；咖啡豆香而且味浓，奶味又唔会过重，味道相当平衡。