Olive Cafe (新領域廣場) (已結業)

烟鸭胸蒜香白酒意粉$88。鸭胸好滑，外皮肥而不腻，烟熏香味同咸味啱啱好。意粉软硬适中，口感油润顺滑。番茄仔酸酸哋，丰富咗味道又开胃解腻。德国咸猪手$148。肉嘅份量好足，热辣辣香味扑鼻。外皮炸到脆卜卜，皮下面系一层油脂，连住一齐食，脆口得嚟又有啲滑同黏，满满骨胶原嘅感觉。瘦肉部份好腍好入味，唔会太干或柴，甘香可口。蘸芥末或者蜜糖食，别有一番风味，而且冇咁油腻。Honey Moon果然比较甜，但都饮到淡淡嘅荔枝味同桃味。Fruit Punch少少汽，水果味好fresh，冰冰凉凉好解腻。