意粉廚房

营业中

休息中

今晚同屋企人行街，喺尖沙咀行到咁上下个仔嗌肚饿，话要食意粉，见到呢间外墙吸引㖞，而且价钱合理仲包埋任饮茶啡同餐汤，就决定落去TRY TRY。我就叫左红酒烩牛肋排意粉，牛肋排炆得又入味又腍，意粉咬弹牙口有口感，个汁就偏甜，但仔仔就好钟意；而老婆叫左拿破仑芝士火腿意粉，芝士受热溶溶地，垂涎三尺，有汁得黎又唔会过多，GOOD。阿仔就叫左蛋汁烟肉磨菇意粉，故意叫炒得干身D，而个咸度又啱啱好~NICE而餐汤系甘荀忌廉汤，即使免费添饮，都唔系用罐头汤同唔淡口，味道唔错。听D员工讲开左几个月，午市多人D，晚市就比较清净，餐厅好新净而且又坐得舒服，自己喺附近返工，下次约埋同事黎食先。