影片
更多
2013-06-10
684 浏览
前后见过几位朋友试这间OWL，又影哂相话好靓咁，于是今晚跟旧同事聚旧就选嚟呢度。用餐可以散叫或点2人餐﹑4人餐﹑6人餐... 我地一行6人唔想谂，所以就拣左6人餐了！包是日餐汤﹑沙律﹑两客小食﹑1客薄饼﹑1客意粉﹑1客意大利饭﹑餐饮及是日甜品，都好丰富下，等我详细介绍下啦！是日餐汤冇得拣，蕃茄"忌廉汤"，唔好意思，因为我唔食蕃茄，所以连名都唔记得了。但我就有吃餐包，系好香既香草包，每人有两片，配自家制黑松露牛油有少少咸，但同橄榄油黑醋就好夹。跟住就上大虾苹果醋沙律，卖相非常好，味道也不错！小食三选二，有小吃拼盘﹑芝士烟肉薯条﹑芝士肉碎定肠仔薯角，我地拣左头两款。小吃拼盘包括炸洋葱圈﹑炸鱼﹑炸虾及炸鸡"搥"，这是6人餐，但每款小食只有4件，初头觉得搞错，点解唔系每人一件呢，好彩咋，因为成个餐夹埋好多野食，所以一人一件既话反而仲多左，系咁以Share下反而仲好。芝士烟肉薯条既薯条唔系炸得好劲，啲色劲浅，但就肯定唔会㶶，都够芝味，好味！薄饼都系三选二，有夏威夷薄饼﹑蕃茄水牛芝士同唔记得左！我地拣左热选既蕃茄水牛芝士，一上枱真想哗一声，好多芝士，感觉好正！佢系新鲜蕃茄喺底，面头再加水牛芝士，朋
前后见过几位朋友试这间OWL，又影哂相话好靓咁，于是今晚跟旧同事聚旧就选嚟呢度。用餐可以散叫或点2人餐﹑4人餐﹑6人餐... 我地一行6人唔想谂，所以就拣左6人餐了！包是日餐汤﹑沙律﹑两客小食﹑1客薄饼﹑1客意粉﹑1客意大利饭﹑餐饮及是日甜品，都好丰富下，等我详细介绍下啦！是日餐汤冇得拣，蕃茄"忌廉汤"，唔好意思，因为我唔食蕃茄，所以连名都唔记得了。但我就有吃餐包，系好香既香草包，每人有两片，配自家制黑松露牛油有少少咸，但同橄榄油黑醋就好夹。
跟住就上大虾苹果醋沙律，卖相非常好，味道也不错！
小食三选二，有小吃拼盘﹑芝士烟肉薯条﹑芝士肉碎定肠仔薯角，我地拣左头两款。小吃拼盘包括炸洋葱圈﹑炸鱼﹑炸虾及炸鸡"搥"，这是6人餐，但每款小食只有4件，初头觉得搞错，点解唔系每人一件呢，好彩咋，因为成个餐夹埋好多野食，所以一人一件既话反而仲多左，系咁以Share下反而仲好。芝士烟肉薯条既薯条唔系炸得好劲，啲色劲浅，但就肯定唔会㶶，都够芝味，好味！
薄饼都系三选二，有夏威夷薄饼﹑蕃茄水牛芝士同唔记得左！我地拣左热选既蕃茄水牛芝士，一上枱真想哗一声，好多芝士，感觉好正！佢系新鲜蕃茄喺底，面头再加水牛芝士，朋友话好好味！
意粉有什肉肠扁意粉﹑吞拿鱼焗长通粉同香草橄榄油素菜意粉，我地选了什肉肠炒扁意粉，个人本身好爱扁意粉，继而佢用好似中式炒意既方法(即豉油炒咁)炒，干身同埋冇咁漏，唔错既选择呢！
意大利饭我地就拣大路既忌廉汁大虾海鲜意大利饭，好多只虾，卖相也不错，除了大虾，内有鱼﹑鱿鱼等，味道正常。
最后上埋餐饮及是日甜品。大路餐饮如冻咖啡﹑冻柠檬茶等不另收费，但转特饮如士多啤梨朱古力就要加$10，个presentation都几好架！而当晚甜品系士多啤梨雪糕拼Brownie，细心在个碟先雪冻，雪糕冇咁快溶，但如果个Brownie系暖既会更好，咁就有冰火交融既感觉了！
题外话/补充资料：
环境不错，睇得出用心布置，不过有点嘈。店员亦有礼貌，几细心，当晚我脸贴胶布，店员喺我点什肉肠扁意粉时再三提醒可能有牛肉成份，好像提点我小心吃牛会发炎咁，可能系我谂多左，但我真系咁觉得㖞！上菜也很快，所以虽然要限时还枱，但佢都够时间俾我地食哂所有野。最后要提既系，我地有打包食唔哂既食物，估唔到会有个好精美既环保袋装住啲食物盒，好贴心呀！
(以上食记乃用户个人意见 , 并不代表OpenRice之观点。)
张贴
