caffè HABITŪ the table (已結業)

今日放假约咗系又一城附近做野的朋友食个开心lunch。由于好耐无去过Caffe Habitu, 于是我建议去𠮶道食lunch.因为夏天的关系，好想食啲好清爽的野，而朋友本身食量少，因此我哋Share 一个set我叫咗夏威夷pizza 另外加一个Italian gem。倾咗一阵，啲野食就上枱，速度啱晒得一个钟lunch的上班族。朋友饮左个南瓜汤，佢话好味道。我见卖相真系几好。跟著上个Italian Gem, 真系好好味，暖暖地唔热，啲松饼沾了蛋浆同Parma ham, 好好味！我朋友话估唔到咁好味！啲Side dish的沙律菜很新鲜，薯粒chewy, 唔会软趴趴。不过食唔到黑松露的味道。夏威夷pizza薄而脆！波萝同火箭菜好fresh!好正！最后杯rose latte, 除咗拉花靓之外，好香玫瑰同奶味，加埋件少少的brownie , 冲淡了咖啡的苦涩味。今餐好满意，最满意系无人刻意左住你倾计。