博洛尼亞 (已結業)

上星期六同朋友去左沙田，朋友话佢同事系沙田食过一间餐厅好吸引，好想食，揾左一轮都揾唔到，之后去客户服务问先知原来我地冇揾错地方，不过要再转入去先见到！！坐下就睇餐牌，餐厅环境几舒服，我地分别都叫午攴，同样叫洋葱汤跟沙律，朋友食烟三文鱼意粉，我食蚬肉意粉，碗洋葱汤好好饮好甜呀!有些洋葱丝，正呀!！沙律系麻酱伴椰菜丝，有少少蕃茄粒，椰菜丝切得好幼，加埋好香的麻酱一齐食好好味，好有咬囗，good!! 跟住系多士，面包系呢度的主打，好香好好味，少少酥皮的味道，加埋牛油一齐系好好的配撘！！我跟朋友的套餐分别系我系多士及意粉系分开上的，朋友系全份上，卖相靓d，有半只奇异果，士多啤梨，烟三文鱼意粉好多三文鱼架，好好味㖞，意粉唔油几干身，够爽口弹牙，好味！！我的蚬肉意粉都好多蚬肉，好香好爽好味，都系一样干身唔油的呀!包一杯饮品，这个午餐原来晚上都系一样不过要贵几十蚊，咁样就好唔抵啊!我们走后朋友话想买面包，呢度有外卖面包的，但系仕应真的有点不想做你生意的态度，全程黑面，冇咩反应，其实我们系入面食嘢佢加水的态度也好差，好大力将只杯放回枱上，服务有待改善！