森戶 (官塘立成大廈) (已結業)

成日去观塘都好少入裕民坊，前排就去咗呢到嘅森户同朋友食晚餐。选择都好多，有饭有寿司仲有Omakase。我就食咗个寿司拼盘，朋友就食咗个蒲烧鳗鱼饭。餐厅好安静，好适合倾偈。寿司拼盘 $228有十件，乜都有啲好丰富。吞拿鱼三文鱼唔少得，仲有我最中意嘅三文鱼子、虾（好甜！）同大大粒帆立贝。葱吞拿鱼茸好香油脂味，白身鱼油甘鱼同其他鱼好新鲜。蒲烧鳗鱼饭 $138碗饭都好大，日本米粒粒分别又烟韧。我见条鱼都好大条，烧完嘅颜色都好靓。我本身唔中意食鳗鱼冇试到，不过朋友话鱼好新鲜好滋味！