M3 Italian (已結業)

呢间餐厅开左都有一段时，成日经过都想试下，今晚终于有机会。餐厅内地方唔大，台与台之间距离有点近，如果要求好静好浪漫的情调，呢间餐厅就唔太合适（尤其周末）。我们一行人5大2小，叫了一个 M3沙律，忌帘白酒青口，prama ham pizza, carbonara, 烧乳猪, 羊架， 仲有3款甜品。 整体黎讲食物有水准，强烈推介白酒青口, 烧乳猪同心太软。价钱方面，个人觉得少少偏贵，毕竟开喺花园城，唔算高尚地段。食物份量亦不够generous, 好似羊架配薯蓉，羊架有3件ok, 薯蓉就偏少，薯蓉呢d唔值钱嘅野应该俾多少少。