Espresso Alchemy

营业中

休息中

疫情严重，工作量大减，只好偷得浮生半日闲，同朋友出去饮咖啡，下午茶倾下偈食，扮下贵妇嘅生活 。一行四人，我哋三个都不约而同叫咗杯flat White $42 (large) 一同怀缅以前喺澳洲饮flat white嘅时光。果然呢杯flat white冇令到我哋失望。质量味道都可以媲美正宗澳洲flat white。咖啡入口香浓， 奶味浓郁 ，靓人靓景简直一绝。另外一位朋友比我哋更懂得享受生活 ，叫咗一杯cocktail 特饮 。杯中有好大粒波波冰 ，专业级数比得上出面一级嘅酒吧 。出奇嘅系竟然唔觉得杯嘢有酒精 ，淡淡Earl grey 茶香配vodka十分refresh，当中既lemon酸酸地好开胃，朋友笑言如果呢杯嘢喺酒吧饮 ，一定唔会一饮再饮，醉咗都唔知咩事。另外我哋叫咗两件蛋糕，分别系蓝莓味同香蕉味， 28蚊大大件，攞嚟做下午茶就一流 。蓝莓嘅有好多嘅蓝莓肉 ，有浸浸牛油香味。另一个香蕉味浓，而且夹杂有核桃，口感倍增。好庆幸香港越嚟越多呢一类型装修精美，环境气氛都好幽雅恬静嘅咖啡室，令到香港人多咗一个透气休息嘅好地方。