冬蔭NOODLE (已結業)

喺尖沙咀比呢间餐厅嘅店名吸引，所以决定入去食。虽然叫冬荫noodle，但呢度嘅menu除咗面食仲有好多选择。玫瑰泰式奶茶系打卡嘅好选择。嫰粉红色嘅饮品上面仲有层奶泡，洒上玫瑰花瓣，少女心十足。不过比较起嚟都系普通泰奶比较香奶味。人多嘅话可以点呢个小食拼盘，有足料春卷、单骨鸡翼、虾饼同鱼饼。呢度嘅虾饼鱼饼都比较厚，所以食落更弹牙更满足，特别系鱼饼，香茅、芫荽味较重，贴近地道泰国口味。菠萝炒饭炒得够干身，食落少少甜，又有咖喱香。而且入面有唔少海鲜料，食落唔单调。贪心嘅我哋连甜品都点咗拼盘，有千层糕、椰汁西米糕同芒果糯米饭。我最钟意嘅系班兰千层糕，切开𠮶刻已经feel到有几黏韧，而且未食都闻到班兰香。