影片
更多
2010-09-08
741 浏览
5-9-2010(Warning: 以下系一篇屈机到爆的饮评...)天气太悸热, 行多两步已身水身汗, 想平平哋舒舒服服饮杯嘢抖抖气, 求其入了呢间 hostel 的餐厅就算.叫了「菊花啫喱蜜特饮」($26), 其实即部分茶记都有供应的「菊花蜜」, 再加点五颜六色的粒粒啫喱喺底, 饮落味道有少少似「维」字头的纸包「蜜糖菊花茶」, 但就甜 10 倍咁多, 勉强挨了 1/4 杯后, 结果要向店员要杯冻水, 自行沟淡先入得口 而底部的啫喱就比菊花蜜的极甜味完全盖过, 可以不理. 贪玩叫的一杯嘢, 结果亦出事了, 早知乖乖饮返柠茶柠水阿华田之类就算. 朋友饮热柠蜜, 奉上了一碗热水及一杯沾上了蜜糖的柠檬, 见到都有点... 志在坐吓, 而环境就认真不错的, 地方静局, 卡位舒服阔落, 连装修都系我喜欢的简约主义 , 唯一唔好就系冷冻有点太劲, 坐得耐都有点打冷震; 店员们亦友善礼貌, 服务比唔少海港城内的餐厅更好.坐多放低 20 几蚊, 专程返嚟食嘢就咪搞我了, 不过可以一坐的; 亦睇在配套份上, 勉强俾个 OK 佢吧.
(Warning: 以下系一篇屈机到爆的饮评...)
天气太悸热, 行多两步已身水身汗, 想平平哋舒舒服服饮杯嘢抖抖气, 求其入了呢间 hostel 的餐厅就算.
叫了「菊花啫喱蜜特饮」($26), 其实即部分茶记都有供应的「菊花蜜」, 再加点五颜六色的粒粒啫喱喺底, 饮落味道有少少似「维」字头的纸包「蜜糖菊花茶」, 但就甜 10 倍咁多, 勉强挨了 1/4 杯后, 结果要向店员要杯冻水, 自行沟淡先入得口 而底部的啫喱就比菊花蜜的极甜味完全盖过, 可以不理. 贪玩叫的一杯嘢, 结果亦出事了, 早知乖乖饮返柠茶柠水阿华田之类就算.
朋友饮热柠蜜, 奉上了一碗热水及一杯沾上了蜜糖的柠檬, 见到都有点...
志在坐吓, 而环境就认真不错的, 地方静局, 卡位舒服阔落, 连装修都系我喜欢的简约主义 , 唯一唔好就系冷冻有点太劲, 坐得耐都有点打冷震; 店员们亦友善礼貌, 服务比唔少海港城内的餐厅更好.
坐多放低 20 几蚊, 专程返嚟食嘢就咪搞我了, 不过可以一坐的; 亦睇在配套份上, 勉强俾个 OK 佢吧.
张贴
