Cô Thành (已搬遷) 新店位置

越南菜系one of my favourite，可惜香港冇乜高质选择。听讲依间最近开既餐厅标榜自己卖正宗越南汤面，黎开中环就行上黎会会佢由唔起眼既木门入去，满室都系越式汤河既香味！右手边系吧台，再入有几张4人台，全店只有大概25个位，中午食饭时间等左一阵间。吧台旁边放左架越南街边档车仔，好得意，唔知系咪𠮶边运过黎既呢？因为当日仲系soft opening，所以只有墙上既越南文menu，侍应会主动埋黎讲解比你听。只供应三种汤面：Bun mam(杂锦海鲜)，或叫做Vietnamese Gumbo；Bun Bo Hue(牛肉)；Bun Thai(侍应话系泰式越南面)。小食有炸春卷、bahn mi(越式法包)。而饮品要另加，冇set，除左汽水柠水之外仲有新鲜椰青同滴漏咖啡同朋友嗌左两个Bun mam，再加一客春卷share。春卷包住满满既猪肉，调味岩岩好又炸得香口，上𠮶时仲系辣口既，好食Bun mam喺吧台𠮶边即整，有两只虾、鱿鱼、两粒炸鱼蛋、猪腩肉切片，仲有秋葵、菠萝、同轻轻炸过既茄子，好丰富！面线似米线既粗幼；虾尚算鲜甜；鱼蛋唔系食开𠮶啲港式弹牙鱼蛋，口感淋啲，鱼味都够既；最好食系菠萝，可