Nutmad (已搬遷) 新店位置

特意Book左位黎试【Nutmad】，建议预先订位，节省左唔少排队时间，被安排了Bar枱位置，可以清楚见到煮食过程，胃口大开。《烟熏猪猪卡邦尼 $108》芝士脆片/猪面肉/烟腩片/意大利烟肉有别于一般的Carbonara，呢度既酱汁不含忌廉，由生鸡蛋同芝士调配蛋汁，做到杰身而唔会太腻的感觉，少左d蛋香味就真既。意粉弹牙有咬口，配搭重咸香味的猪面肉、芝士脆片，不过caramelized的烟腩粒有d过甜，令到成碟意粉半咸半甜，个人比较喜欢重咸香版本，如果想试到不一样的Carbonara，呢个或者会岩你胃口。《慢煮伊比亚黑毛猪 $188》卖相精致，薯仔及小甘笋伴碟，将伊比亚黑毛猪慢煮半小时，再搽上蜂蜡，肉质多汁嫩滑，肉味浓郁，黑毛猪同脂肪分布比例平均，配上特制的西柚辣椒酱汁，中和一下油腻感。