NUTTEA (灣景廣場) (已結業)

呢间系我帮衬得最多嘅饮品店，返工间唔中就会同同事一齐叫嚟饮，尤其系唔开心压力大嘅时候，买返杯心情会好好多。今次饮呢杯系「伯爵朱古力坚果奶盖茶」，虽然唔系第一次饮，但系好耐冇饮啦，觉得特别好饮，所以顺手出返篇食评啦！印象中基本上我已经试过晒所有口味，奶盖系列真系最冇得输。好独特，好香滑。唔好以为朱古力就一定等于肥我走糖走冰，完全唔系朱古力饮品个种味道，更多嘅系茶味，但又同朱古力一齐好夹，唔会好甜又唔会太淡。总之就正～系就系有少少贵，但而家唔再成日饮，间唔中一次半次，宁愿饮好啲，好过饮得多但质素一般般，嘥quota啦！最后我希望佢继续出多啲唔同嘅新口味，而且作为Nuttea常客希望佢考虑吓推出会员制度买满指定金额自动成为会员，会员买有折，咁就好啦，哈