V.W Vegan Cafe (已結業)

想同朋友揾个地方坐低倾偈、饮杯嘢，见到宝湖花园呢个旧商场竟然有间环境咁舒服嘅Cafe，就决定拣呢间～由于呢间系Vegan Cafe，见到佢用Oatmilk 燕麦奶冲咖啡，本身期望好低，觉得唔会好饮得去边（对不起各位纯素友！） 但估唔到都几易入口，比较淡口味，但都觉得算唔错。 无平时全脂牛奶咁香浓，但胜在饮完唔会肚痛（乳糖不耐）店员拎过嚟嘅时候好有礼貌，又整得几靓，虽然觉得佢配𠮶枝小匙羹唔算好实用，但摆盆系好赏心悦目。最主要系享受个环境，可以好好咁倾偈。欣赏Cafe内有漂书架、旧报纸展示大埔历史、同埋一个「技能交换」嘅水松木板，等客人闷闷地时可以睇吓，同身边人又可以多啲话题可以倾。呢度系无洗手间嘅，最近要落楼下街市嘅公厕，好彩都好干净嘅。