Ocio (東港城) (已結業)

为食之旅第二击，由观塘黎到将军澳，居然俾我见到Ocio，上个礼拜先去过旺角个间，食完唔系好够喉，原来将军澳东港城都有分店，真有缘，不如快手食个甜品。上次见到佢地d热香饼已经好想试，决定拣我最钟意既抹茶红豆味。镬仔抹茶红豆雪山热香饼 $79+10％落左单之后超快就食得。个抹茶味热香饼好大份，好似海绵蛋糕，软软熟熟，有淡淡既抹茶味。个热香饼明显系个镬仔度整热，上冻下热。上面一球抹茶味雪糕，味道都唔错，好钟意佢下底好多粒粒红豆同杏仁脆片系热抹茶浆度，加埋冻雪糕一齐食，冷热交融，脆软绵滑，口感复杂，味道超夹。另外叫左杯野饮。草莓奶昔 $45+10%草莓奶昔好大杯，草莓味同奶味适中唔太甜，上面好似仲有草莓雪糕溶紧冻冰冰，好饮。上菜超快，坐低食完唔洗半个钟。呢度舖头光猛，座位舒适，松动过旺角舖好多。今日又试左个好正既甜品，作为一个庆祝活动都唔错。