奈良上釜 (已結業)

讲到奈良的釜饭，我脑海里浮现的系「志津香」，虽然好耐之前食过，但依然印象深刻。而呢间「奈良上釜」，一早听说过，但一直未有食过，今天经过心血来潮决定试下。当然唔会拿香港的餐厅同日本比，但呢间「奈良上釜」又居然比到我估唔到的惊喜，食物质素绝对高质，非普通hea野。首先要赞的系前菜，主角系茶碗蒸，鲜！蛋滑，入口即溶！而冰豆腐都合格，高质食材。釜饭，热辣辣，小心锅边！开盖惊喜见到蟹肉份量足，食落系鲜甜饱满，食材绝冇求其！正！捞蟹籽一同享用，增加了口感的层㳄。可惜蟹籽份量少左了。最后食埋饭焦，火候岩岩好，十分香口。相比蟹·釜，鳗·釜就稍微普通左，但味道都系非常不错的。鳗鱼肥美，好juice,烧汁好够味。搭配左芋头，劲绵密！好味！面豉汤也都几好。天妇罗拚盘，有蚝，蟹，虾，鱼；炸粉不厚，尽显鲜甜！很好！