渡邊屋

营业中

休息中

九龙城嘅依间日本餐厅渡边屋，座位唔多，但无论边个位置都可以坐系师傅面前，睇到师傅为你准备每一样嘅食材。餐厅虽然唔大，但系九龙城经过几次都比佢吸引，所有食材非常新鲜，绝对值得一试。本鲔赤身葱吞拿鱼腩丼丼饭铺满左厚厚嘅吞拿鱼蓉，并非薄薄一层，系非常足料，面头嘅吞拿鱼腩围住鲜橙黄色嘅蛋黄，见到卖相非常吸引。捞匀充满蛋香嘅蛋黄同饭一齐食，味道非常丰富，食到最后一啖都有吞拿鱼蓉，份量绝对系非常足。 火炙寿司盛盒（三文鱼/油甘鱼/带子/左口鱼/鳗鱼/赤虾/原条海鳗）系师傅制作途中已经闻阵阵嘅香味，上枱见到寿司嘅样子，更加令人期待。 当中原条海鳗好长，入口即溶。每件都烧到刚好，充满油香，食得出食材非常新鲜。刺身盛盒（三文鱼/油甘鱼/真鲷甜虾/带子/海胆鱿鱼卷/䲞鱼）刺身好丰富，鱼嘅刺身都系厚切，带子好鲜甜。海胆鱿鱼卷几特别，弹牙嘅鱿鱼包住creamy鲜甜嘅海胆，充满鲜味。