影片
更多
2009-09-27
4 浏览
开左咁耐，次次都系见到佢门外d人堆就叫我走夹唔抖喇~不过今次因为闲日请左半日假，先0系唔驶等位0既情况之下入去。因为冇食tea，就未等朋友黎先叫左个鳗鱼蛋卷食，连相都冇影，可见我当时真系几饿啦d蛋几滑，鳗鱼都系滑架!d酱油唔会太浓味，几好~然后朋友黎到，寿司方面就先叫左三文鱼(有d柚子粉0系上面，几得意，不过ok啦)、帆立贝(够新鲜&大只，good)、蓝鮨吞拿鱼赤身(你睇下幅图个色水就知唔够新鲜，应该系雪得耐得滞)、鳗鱼(完全因为个蛋卷唔错先叫，果然都冇令我地失望，不过系嫌条鳗鱼太短小，btw，食落冇渣系好ok)，仲有当晚推介0既玻璃虾(朋友话：「乜只虾熟0既?」，我唔识应佢，因为我自问好少食虾sushi，我净系知只虾唔够爽口，比较腍身。)食紧sushi之时个师傅切紧两条肥肥0既油甘鱼，我好想叫一客黎食架~!点知当我点之前问佢「系咪食0岩0岩㓥0个条架?」个师傅话「唔系，呢两条系备用，而家包好会入雪柜」，咁我就唔要luanyway，算佢诚实啰我地又叫左一个软壳蟹手卷(我唔食0既，朋友话元气0既仲好食咁话)和三文鱼手卷(我觉得用黎包住0既紫菜真系唔够脆wo~唔知系咪因为d饭比较热呢?好奇
不过今次因为闲日请左半日假，先0系唔驶等位0既情况之下入去。
因为冇食tea，就未等朋友黎先叫左个鳗鱼蛋卷食，连相都冇影，可见我当时真系几饿啦d蛋几滑，鳗鱼都系滑架!d酱油唔会太浓味，几好~
然后朋友黎到，寿司方面就先叫左三文鱼(有d柚子粉0系上面，几得意，不过ok啦)、帆立贝(够新鲜&大只，good)、蓝鮨吞拿鱼赤身(你睇下幅图个色水就知唔够新鲜，应该系雪得耐得滞)、鳗鱼(完全因为个蛋卷唔错先叫，果然都冇令我地失望，不过系嫌条鳗鱼太短小，btw，食落冇渣系好ok)，仲有当晚推介0既玻璃虾(朋友话：「乜只虾熟0既?」，我唔识应佢，因为我自问好少食虾sushi，我净系知只虾唔够爽口，比较腍身。)
食紧sushi之时个师傅切紧两条肥肥0既油甘鱼，我好想叫一客黎食架~!点知当我点之前问佢「系咪食0岩0岩㓥0个条架?」个师傅话「唔系，呢两条系备用，而家包好会入雪柜」，咁我就唔要luanyway，算佢诚实啰
我地又叫左一个软壳蟹手卷(我唔食0既，朋友话元气0既仲好食咁话)和三文鱼手卷(我觉得用黎包住0既紫菜真系唔够脆wo~唔知系咪因为d饭比较热呢?好奇怪0既口感，d三文鱼系冻、d饭系热，唔系咁钟意)。
最后加多个蟹子沙律就走喇~因为佢限个半钟头俾我地咋~而好彩我地有叫，因为d材料都好新鲜，好爽口，尤其系可以俾我地自己去捞，见佢一上台，d蟹子多到令人惊喜，沙律酱同青瓜丝捞埋都冇出水，证明真系新鲜。
呢度d侍应都算殷勤，又笑容满面，几好另外，我地系回转位坐得都算舒服，不过，如果要入位移离开都有d麻烦，同埋，冇位摆「战利品」(话哂都系大商场入面，女士们血拚完黎擦一餐都几难坐得入回转位喇)
张贴
