Al Forno Pizzeria (已搬遷) 新店位置

第一次去呢间食，虽然餐厅系较难揾嘅位置，但系都有唔少人。Apple walnut salad ($78)沙律都算大份，菜几新鲜加埋啲新鲜爽嘅青苹果同埋甜嘅合桃好好味😋。Meatballs Al Forno ($88)得三粒肉丸，但系大粒嘅。酱汁都好多但系都系加咗芝士。夹埋多士食好好味😋。Roasted chicken spinach linguine ($148)卖相几好，意粉嘅份量刚刚好。鸡肉唔系太多，肉可以再嫩D。但系味道唔错。Spaghetti Bolognese ($118)呢碟反而多肉同埋汁👍🏻足份量。味道唔错，但系呢度嘅意粉通常都会加parmesan cheese，我个人唔系太钟意😅。Carnivoro ($158)薄饼皮唔会太厚，但系可以再脆D。比较pepperoni同埋火腿，好少新鲜肉粒。整体来讲都唔错嘅，服务态度好好，食物质素都几好。有某D地方可以再改善💪🏻（譬如：薄饼皮同埋肉嘅质素）如果冇折扣就觉得唔系太抵。