影片
更多
2018-11-17
62 浏览
自己住呢头, 成日经过见到呢间感觉几唔错嘅地方, 于是终于揾日的起心肝约埋几个frd一齐帮衬~~ 少少感受喺到分享下.赞: 点解话感觉唔错? 其中一个原因系, 因为本人几好杯中物~~ 而经过呢度就次次都见到个menu..... 嗱, 就系呢个, 咁你话点能够唔心动先? 啤酒都唔系最特别, 最特别系佢地有埋手工啤﹗﹗当然, 同出面其他一啲专门俾你饮手工啤嘅地方相比, 佢嘅选择唔系最多最齐, 但假假地都叫有啲options, 至少喺高街 / 第三街嚟讲, 似乎冇咩其他店铺有先啦~~ 另外一点吸引我嘅, 系食客坐喺入面嘅感觉. 呢间唔系𠮶啲俾你食完就走, 又或者俾非常精致嘅高档大餐你嘅地方, 而系一个俾三五知己, 又或者一班frd, 再唔系就几个同事收工后嚟倾吓计嘅地方. 所以个重点就系坐得舒唔舒服, 同埋有咩view. 我最钟意嘅, 就系门口边𠮶个坐喺餐厅入面望出去嘅位~~ (可惜当日已经有客人坐左, 所以我冇得坐) 夜晚𠮶度唔多车经过, 静静地非常舒服, 又唔会话好光咁, 真系几啱倾计. 至于店内呢, 简简单单, 有少少手工艺feel, 算颇堪玩味, 肯定唔系平时闷到死𠮶啲装璜先
赞:
点解话感觉唔错? 其中一个原因系, 因为本人几好杯中物~~ 而经过呢度就次次都见到个menu..... 嗱, 就系呢个, 咁你话点能够唔心动先? 啤酒都唔系最特别, 最特别系佢地有埋手工啤﹗﹗当然, 同出面其他一啲专门俾你饮手工啤嘅地方相比, 佢嘅选择唔系最多最齐, 但假假地都叫有啲options, 至少喺高街 / 第三街嚟讲, 似乎冇咩其他店铺有先啦~~
另外一点吸引我嘅, 系食客坐喺入面嘅感觉. 呢间唔系𠮶啲俾你食完就走, 又或者俾非常精致嘅高档大餐你嘅地方, 而系一个俾三五知己, 又或者一班frd, 再唔系就几个同事收工后嚟倾吓计嘅地方. 所以个重点就系坐得舒唔舒服, 同埋有咩view. 我最钟意嘅, 就系门口边𠮶个坐喺餐厅入面望出去嘅位~~ (可惜当日已经有客人坐左, 所以我冇得坐) 夜晚𠮶度唔多车经过, 静静地非常舒服, 又唔会话好光咁, 真系几啱倾计. 至于店内呢, 简简单单, 有少少手工艺feel, 算颇堪玩味, 肯定唔系平时闷到死𠮶啲装璜先.
食物方面, 佢得意嘅地方在于, 系每个地方嘅风味都会有, 每个dish都有一个地方嘅特色, 譬如我几钟意嘅呢个黑豆饭, 餐厅就渗入左巴西特色, 个番茄salsa系有啲拉丁味道.
仲有呢个胡椒蟹云吞挞, 听个名都知系新加坡代表喇. 呢个组合好精彩, 蟹肉拆晒出嚟唔使你郁手, 加个外层 / 底层增加口感, 少少香料又令到个味道更立体. 份量细细咁, 最适合倾计饮嘢嘅时候食.
饮住啤酒叹芝士牛坑腩焗薯条, 真系人生一大乐事~~
如果话有咩唔满意的话, 唯一就系价钱略贵啦.... 不过自从地铁通车前后, 西营盘, 西环一带, 租金都飞升, 物价自然随之上升..... 唉, 冇办法, 我地都做唔到啲咩, 对餐厅嚟讲, 呢个或者算系一个先天性嘅缺陷啦. 不过偶然嚟同frd聚吓, 如果成个体验都舒服又enjoyable的话, 就算贵少少都值得嘅.
张贴
