南京金陵湯包 (已結業)

嚟呢度同屋企人食晚饭，因为听讲好似ok好食就入去试试。里面嘅侍应有善有礼，地方也OK干净。招牌汤包，应该都系自己整，因为咬咬下有粒软骨出咗嚟。汤包应该同小笼包有啲分别，虽然馅料差唔多，但系皮会厚一啲。总括来讲都OK好食，但我个人比较钟意皮薄小小啦。招牌担担面，同我平时食开嘅担担面有啲唔同，因为佢加咗少少花椒，所以食落有啲麻辣，比较南京嘅口味。我自己偏向钟意多啲花生酱，少啲马勒嘅味道，所以先比三粒星。招牌生煎包，其实食落口感OK，但系皮比较厚。呢个都唔系问题，问题系咬落里面冇汁,食落比较干，同我记忆中嘅生煎包好大分别。