榮興小廚 (已結業)

环境3分：正常中式酒楼格局，中间放大圆枱，侧边有卡位，都好松动。卫生3分：卫生都系正常酒楼合格水平。服务3分：正常面口，态度都算良好，加上爽手，可以畀三分。味道4分：1)      虾饺入面啲虾都非常新鲜，计下数有两只虾咁多，都算好食。2)      啲猪润肠粉食落有些小异味，而且啲肠粉皮厚左少少，最后都食剩半条。3)      鸡丝粉卷材料非常充足，有少少虾肉，鸡肉，红萝卜，云耳丝，比起猪润肠粉好食好多。 4)      牛肉烧卖超大粒，比起虾饺大一半。 5)      鸡饭上面有云耳都算比较特别，食落都唔错。6)      蒸萝卜糕份量充足，食到一条条嘅萝卜丝真材实料，合共可以畀四分。   抵食3分：有免费例汤同糖水送，的确系抵食。因为12点45分前埋单走人就享有点心8折优惠，见到张单计下数，原来蒸饭唔算点心，所以就冇八折优惠。价钱都畀啲连锁酒楼贵少少， 但系八折之后又差唔多，所以抵食都有三分。