漁吉海鮮丼專門店 (已搬遷) 新店位置

蜜桃小丸子再战九龙城，今次就试日本菜。渔吉嘅装修好新净，舖头唔算大，但因为我地嚟得早，所以可以坐四人枱坐得舒舒服服，食到后尾已经愈来愈多人了。枱面有用保温器盛着暖的味噌汤，可以随便饮，仲有温馨小提示教你要先摇一摇，令到佢均匀啲。味道对于蜜桃小丸子嚟讲咸咗啲，但都几有鲜味。餐纸上主要有丼物、蒸蛋同一啲小食比你拣，款式唔算多。首先叫咗个豪快海鲜丼。卖相好靓，啲甜虾都几新鲜；帆立贝得一片薄薄的，少少烧过，香香地；有种唔知是什么嘅直送鲜鱼，味道有啲古怪，酸酸地；三文鱼唔肥，但切得都算厚厚地；油甘鱼都新鲜；最厉害系佢有劲多蟹籽，铺满系饭上，亦有好多我最爱嘅葱葱，不过啲饭真系太多，几努力都食唔哂。另外叫咗个龙王丸，贵在个原只龙虾，但其实好少肉，食唔出鲜味，只系只虾好够霸气；其余嘅𩠌好似三文鱼、帆立贝同我上面讲嘅差不多，比目鱼一粒粒都新鲜。下次叫其他丼应该会化算啲。