必勝客

营业中

休息中

周末嘅下昼谂唔到食乜, 所以就黎咁呢间喺沙田中心嘅pizzahut, 贪佢嘅地点够哂方便。由于正值下昼3点几, 所以门口都无乜人等位, 大概5分钟已经可以安排入位。一坐低就叫咗一个下午茶set, 里面有四件公司三文治、薯条同埋一杯野饮。可能pizzahut嘅客人实在太多, 所以啲员工都几忙, 未能够即时埋黎落单。不过落单后啲野食都算快到, 几有效率。公司三文治嘅面包有烤过, 但因为面包系预先烤定, 所以咬落唔算脆。至于配料唔算少, 有蕃茄、烟肉、火腿、蛋同埋鸡肉。虽然有蕃茄搭配, 但太多蛋同肉, 所以食落都系有啲腻, 食哂四件三文治会好饱肚。薯条就正正常常, 似m记食开𠮶款但有比较粗身啲。以下午茶黎讲, 呢个set可以接受。