水手有限公司(快餐店)

营业中

休息中

在附近睇完中医，顺便上网揾嘢食，见喺隔篱有间叫水手嘅老店，就去揾下，都想去吓怀旧嘅快餐店（因为细个都时时食，不过唔系嚟处出没），行到门口，以为搅错，铺面好新净，似刚刚装修过。睇餐牌都系一般快餐，猪扒，鸡扒之类，咁是旦叫咗咸蛋肉饼同鸯走。事头婆系健谈街坊型，爽快落单，出餐极快。讲吓食物，一望咸蛋冇切开，原只，好少见咁大手笔，一般都系得半只，不过原只有个唔好处，要用手剥，兼且唔系好食得哂。肉饼呢，肥廋适中，有椰菜做伴菜，椰菜煮得好嫩好甜，真系想问佢攞多啲。杯鸯走都唔错，有水准，啡茶适量，甜奶啱啱好，要弹只系未够香，埋单$38，普通啦，下次行过要试下红，黑汁，唔知有冇红白汤呢，嚟啲先系怀旧重点，最好有生炸鸡肶，就very骨喇，总括黎讲都ok啦