霞小飛 (已結業)

成日经过K11地库，想试下，呢日终于试咗。都唔错嘅！杏汁炖猪肺汤 - 杏汁味唔多，饮到猪肉汤味多啲。味道都几好。入面有2正方粒猪肺同2正方粒猪猪，size一样，仲有一支猪脾仔。$48。担担面 - 一般。重麻辣味，反而少咗花生酱味。汤浓，个人认为太过杰。食开嘅担担面都系花生酱味重啲，无咁麻辣。蜜糖烧鳝 - $138。好食。用蜜糖烧鳝，无骨，脆脆哋、甜甜哋、又香。周围都比较难揾到鳝食，呢度竟然有，即试。好在都无失望。玫瑰花馒头 - 见系母亲节正日，玫瑰花又粉红色，都几靓，叫来应下节。真样都几靓，虽然有条裂缝，影相拧开都唔觉眼。有少少味，但其实系差唔多一个斋馒头，顶同底有一粒仔莲蓉。应下节，影下相，都ok啦！平时真系唔会叫。牛肉饼 - 唔得。入面啲牛肉系滑lu lu，唔系食滑牛㖞，牛肉饼系应该有口感先啱。食过清真牛肉馆，食过最好味牛肉饼，同呢个比真系高咗9班。总扣，都ok嘅。有机会再试其他。埋单$350。