影片
更多
2008-11-21
14 浏览
新开一于试试，价钱唔平，无当佢系快餐，而系shake'em bun果个级数。系试就比足诚意，如下：triple fatburger ($80) + bacon($5) + egg($5) onion rings ($20)fat fries ($20)个饱摆明想同 shake'em bun 既 gangbang 比比。triple fatburger饱比较细，肉相当好，配料够，烟肉多而脆，只蛋就唔知去左边咁，无蛋黄四溢既情况。绝对够fat。同gangbang各有千秋，要睇各人喜好。triple fatburger块肉比较有质感，肉香重，gangbang卖肉汁，实在有多少阿苏蒸肉饼既手法，灌左好多水。triple fatburger块肉煎到有多少黑边，可以话overcook，不过又稍香脆惹味。triple fatburger蛋同烟肉放底，肉在上，只蛋就咁葬左，呢方面无gangbang咁好。配料觉得triple fatburger略胜，多样，味道有层次，gangbang一味生菜番茄，当然又可能有人钟意咁清新。卖相triple fatburger就比较差，唔知系米太忙，个饱未打开张纸，外面都
系试就比足诚意，如下：
triple fatburger ($80) + bacon($5) + egg($5)
onion rings ($20)
fat fries ($20)
个饱摆明想同 shake'em bun 既 gangbang 比比。
triple fatburger饱比较细，肉相当好，配料够，烟肉多而脆，只蛋就唔知去左边咁，无蛋黄四溢既情况。绝对够fat。
同gangbang各有千秋，要睇各人喜好。triple fatburger块肉比较有质感，肉香重，gangbang卖肉汁，实在有多少阿苏蒸肉饼既手法，灌左好多水。triple fatburger块肉煎到有多少黑边，可以话overcook，不过又稍香脆惹味。triple fatburger蛋同烟肉放底，肉在上，只蛋就咁葬左，呢方面无gangbang咁好。配料觉得triple fatburger略胜，多样，味道有层次，gangbang一味生菜番茄，当然又可能有人钟意咁清新。
卖相triple fatburger就比较差，唔知系米太忙，个饱未打开张纸，外面都搞到油立立咁。唔单止triple fatburger系咁，有卖相差同overcook既问题，连洋葱圈都一样。
洋葱圈非常失败，炸过龙，个色好得人惊，黐埋一堆，又甩炸奖，个纸盒索满油。好怀念当日jack in the box个洋葱圈，如果jack in the box个洋葱圈系一百分，今日呢个fatburger洋葱圈只值四十分。
薯条如何呢？卖相算无咁衰，食落口感仲几好，外脆内滑，不过食左两条就开始觉得唔对路！点解无咩薯仔味？？！！薯仔味之弱，比麦记重低，好似食粉咁，认真失败。
最后讲地方同服务。新开都几好，不过个吊顶餐牌实在吊得太高，又有块假天花吊板遮住，第一行食品完全睇唔倒，除非已经行到收银前。
shake'em bun 外卖堂食都用pager，fatburger就用号码牌加个银座，啰住佢企系度好似变左选美佳丽咁。
收银好唔掂，英语水平不达标，听佢讲onion rings好爆笑。
员工有成十人都唔系太高效率，衣履欠整齐，有多少志愿机构交比长期失业者果种合作社既团队感觉。
其中一个收银一边啰住旧已经好湿既纸巾系度不停抹鼻涕，一面落单。真系要整顿下。
总结，得个饱系shake'em bun果个级数，其余虽然收费不菲，实在质素分分钟差过麦记。
张贴