影片
更多
2013-07-08
1059 浏览
近来想食Pizza, 所以上OPENRICE睇睇尖沙咀区有咩好介绍, 见到呢间店食物同环境都唔错, 一于打去订座食晚餐先. 老友记想食Pesto Linguine, 我就梗钟意啦, 因为有我喜欢的罗勒, 好, 就呢款啦! $128蚊, 份量偏少, 一人几箸...真系物以罕为贵, 味道就几适中, 唔会好啖口, Linguine 煮得刚好, 唔会'林'身; 另外叫咗 Hawaii Pizza, 无影相挂住食...睇呢度之前有食评介绍用石炉焗, 咁佢个饼底薄身又真系焗得好香口, 配料都算多, $128我觉得值回票价, 可以ENCORE!!! 老友记叫咗杯Cappuccino Smoothies, 佢话唔够香同滑, $50蚊杯仲以为好得点知系唔得㖞.... Honey今晚唔得闲, 但佢响我同老友记完膳前接返我, 我当然乘机叫个Tiramisu话同佢 Share, $75 但份量真系细到离谱, 非常袖珍, 一人两啖就食完, 只能叹句:百物腾贵! 呢个Size我觉得最多值$35, 况且呢客甜品唔特别出色, 甚至系'失色', 味道好一般, 无酒味, 奶味略重, 朱古力粉又唔特别香...唔.
服务一般, 唔太好但唔算差, 侍应有港人有东南亚人但全部都木口木面, 无咩笑容亦唔会主动加水同收碟, 之不过要水要柯打招招手都唔会扮睇唔到, 算OK o架喇, 我点敢要求更多?! 坐位都可接受, 我哋咁啱有单边梳化位, 唔会迫到左右隔离贴一贴, 仲叫倾到偈. 总括而言, 如果要揾地方食Pizza, 呢度系值得推介的, 但特饮同甜品各位见到我的食评就考虑叫其他可能会好啲.
张贴
