上勝日本料理 (億利工業中心) (已結業)

做完嘢去咗间小店食lunch，无咩人堂食但好多人买外卖🤓叫咗个上胜特盛丼，未计加一$198，无前菜同汤或者小食，以呢个区嚟讲唔平。本身话有海胆但话无货变咗蟹膏，新鲜程度ok，软绵绵。三文鱼一如既往鱼味好浓，油甘鱼一般，唔系特别出色。吞拿鱼茸比较淡，我捞埋蟹膏同鱼子一齐食。牡丹虾感觉新鲜，因为入口唔梅，口感实净。带子唔算大只，都叫嫩滑。仲有烧吞拿鱼好一般，无鱼油香。饭系赤醋饭，醋味更加浓，感觉唔错。另外一提，个碗好细，可能因为餐厅想个碗细啲，令到份量睇落唔会太小。但个碗咁细唔方便夹鱼生同饭🤡整体味道ok，但唔特别出色。