睡飽吃吃

营业中

休息中

突然间好火红嘅小店，西营盘嘅睡饱吃吃，系由人气online cake shop 流浪甜点工作室@wandering_store 开。睇返佢ig，佢哋系用日本面粉/日本鸡蛋/日本糖。睡饱吃吃每日提供嘅蛋糕🍰唔同，当日系平日，我哋落单果阵，大概3/4点，得返提子rum酒巴斯克($60)，仲要系最后一件lol。想试佢啲蛋糕或者想试多啲款，就要早啲啦。讲返件提子rum酒巴斯克，好软滑好creamy，而且酒味超级出，每食一啖就好似饮紧一啖酒咁。阿薯觉得酒味太浓太强烈🤡，不过配埋佢杯latte($40)，又啱啱好㖞，完全中和咗阵酒味，变得易入口咗好多。其实本身杯latte偏向苦苦地果种，有啲难入口，但一啖latte同一啖rum酒cake，就令两者都顺口好多。三色芋圆配豆浆豆花($48)有啲普通，建议叫cake。环境的确好有心思，食物摆盘唔错，都同大部分cake shop一样，价钱好进取。