White Button Cafe & Dessert (已結業)

话说睇左某个报导后，俾佢个奄列pancake吸引左，所以星期日就同闺蜜一齐黎试下。1点左右黎到，只有3台客人，空间都几大，店舖布置好吸引，好少女系。空间咁大俾人好舒服嘅感觉。叫左3样野食，最想食嘅奄列pancake餐牌系写2点黎至有，本身谂住食完野够钟至叫，但食完未够钟已经见到有人叫左。叫左樱花虾明太子意粉，一啲都唔明太子，俾樱花虾抢左味，份量都算大，仲有个鳗鱼玉子汉堡，好大个，但唔好味，鳗鱼系超市急冻鳗鱼失望，仲有个薯角，店舖推介食物，一啲味都冇，面度啲芝士硬晒2杯咖啡都系一般般，一杯要40几蚊有啲贵。黎到最期待嘅甜品，味道ok,个pancake 唔系空气质感，食左等于冇食个只，会有啲饱肚，个cream系乳酪酸酸地，好特别，个雪糕唔得好药水味. 整体黎讲，咸食唔推介，甜品可以一试。价钱都系偏贵，食物份量都ok, 2个女仔share一碟都足够。