樂飛葉山區餐廳 (已結業)

昨晚一行5个人加1小孩去，装修好靓，木台木椅木吧台，7:30pm 去到得3台人。未试过芝士火锅便叫了1个set. 再order了鲈鱼餐、烧鸡餐、肉眼扒餐。个芝士火锅都几大份，如果2人吃就不用再叫其他东西。啲芝士有酒味，都几好味。盘火腿size都几大，最后都冇吃完。甜品可选焦糖炖蛋及苹果批。跟餐送2杯暖红酒，ok la。餐汤有洋葱汤及鱼汤，2个都好味，尤其是洋葱汤，好多洋葱丝。鲈鱼餐个鱼柳好有鱼的鲜甜，啲肉唔会“梅”，配菜是炸薯球，感觉有啲行货。烧鸡餐只鸡啲肉好嫩、烧得好香，配菜是意大利饭，都ok。肉眼扒都好香好嫩，配菜的焗薯千层好正。呢道消费唔平，唔知点解水都冇杯，一定要另外order drink或bottle water。去Mandarin Hotel嘅Vong，都会比杯冰水先，再等你慢慢落order啦，所以呢吓都几唔高兴。2个waitress都好似好怕羞，讲嘢都要"air~~~"阵先，好"新人"。5大人1小童total$1,170。食物好好，若果d service 可以好啲就好la。