La Rambla

营业中

休息中

Item: La Rambla
Rating: 4
Author: hangryhappy

3.5

125 食记

味道

环境

服务

卫生

抵食

21668

中环

$401-800

西班牙菜

hangryhappy

等级2

呢间餐厅嘅sunday brunch 好受人欢迎，见身边好多同事嚟完都大赞，所以自己忍唔住都要黎试试。接待嘅服务员态度好殷切，感觉十分welcoming。我哋安排的位置可以多角度睇到海景，十分开心。其实餐厅多处可以欣赏到香港美丽嘅维多利亚港，感觉十分开扬，坐得舒服。坐低睇清楚个menu，终于知道点解咁受大家欢迎，尤其是我身边个同事家中系有年幼既细路仔 - “complimentary for kids under 10 years old". 唔怪得啦! Sunday brunch 个menu好丰富，好多嘢食，最后系食到非常饱饱。头盘包括多样西班牙小碟，例如炸小丸子(ham croquette)，西班牙咸火腿/风干香肠/芝士，腌制小白鳀鱼 (white anchovies), 黑松露火腿芝士迷你多士 (truffle Jason and cheese bikinis), 半熟蛋脆薯 (broken egg) ，西班牙小青椒，沙律等等。其实说完个头盘都已经饱饱!! 头盘虽然选择多，份量亦都可以免费添加，但食物嘅质素同烹调其实好一般。例如西班牙火腿冇乜香味，只系得个咸字；西班牙迷你小多士，完全无松露嘅味道；或者系半熟蛋脆薯十分，十分，十分咸；小青椒都一样十分行咸，仲要好多油，油浸青椒咁。唯一𠮶个腌制小白鳀鱼系最好食! 沙律都几好。到主菜，每人可以选择一样。我哋拣咗经典西班牙饭，斧头扒(Tomahawk); 乳猪(Segovian 塞哥维 style)。唔知系咪因为已经食饱咗，所以食主菜时，觉得样样嘢都好一般。西班牙饭，冇乜特别，又系咸。乳猪唔系好新鲜，所以有啲哨，但烧得唔错，个皮都值得食 (当然终都系我哋广东人嘅乳猪系最好食)。斧头扒好失望，肉嘅质地有啲老，牛骚味唔够。甜品就算啦，非常普通，都费事提。如果讲地方，食物嘅份量，呢度系合格。如果系讲食物嘅质素同烹调，就真系唔得。我唔会再番黎，但如果有朋友问好唔好黎呢度，我觉得睇下佢地抱住咩心态。始终十岁以下嘅小童系免费，食物选择多，份量多，环境靓爆，服务态度一流，有吸引人之处。但如果你系在乎质素同埋要好食嘅，我就唔会建议嚟呢度啰。