影片
更多
2019-08-29
550 浏览
位于现崇山商场楼下嘅一间西餐厅，原来内部装修都唔错，算系约会/聚会嘅好地方。见drink menu上嘅饮品几特别，除咗一啲special drinks同milkshakes外，有个Rocher Chocolate Drinks情迷金莎系列，钟意食tiramisu 嘅我就拣咗Bubble Tiramisu，果然好似tiramisu，咖啡味唔会好浓，如果加埋tiramisu 嘅话口感就更正喇~当谂紧另一杯饮咩好，餐厅经理就提议我吔试下佢吔呢日嘅"Surprise"，佢每日都会配合当日吧天气或者其他因素调一款唔同嘅特饮，但唔会话畀客人知系咩，想畀客人一个惊喜(surprise)，调完拎过嚟时先会介绍用咗咩材料。呢晚嘅surprise就用咗比较酸同开胃嘅材料 (包括青柠....) 调咗杯酸酸甜甜嘅特饮，适合番近排炎热嘅天气。真系又靓又特别又好饮。先叫咗个set dinner，配上是日汤，我吔就加咗$38转龙虾浓汤，以呢个价钱嚟讲可以话系正常，配埋香脆嘅面包条，唔错~唔系话高级餐厅，餐具当然唔系话好精美，但都有湿纸巾供应，对客人都几细心。除咗餐汤仲有香煎芝麻吞拿鱼配芒果沙沙，配埋啲沙律菜，细细碟
见drink menu上嘅饮品几特别，除咗一啲special drinks同milkshakes外，有个Rocher Chocolate Drinks情迷金莎系列，钟意食tiramisu 嘅我就拣咗Bubble Tiramisu，果然好似tiramisu，咖啡味唔会好浓，如果加埋tiramisu 嘅话口感就更正喇~
当谂紧另一杯饮咩好，餐厅经理就提议我吔试下佢吔呢日嘅"Surprise"，佢每日都会配合当日吧天气或者其他因素调一款唔同嘅特饮，但唔会话畀客人知系咩，想畀客人一个惊喜(surprise)，调完拎过嚟时先会介绍用咗咩材料。呢晚嘅surprise就用咗比较酸同开胃嘅材料 (包括青柠....) 调咗杯酸酸甜甜嘅特饮，适合番近排炎热嘅天气。真系又靓又特别又好饮。
先叫咗个set dinner，配上是日汤，我吔就加咗$38转龙虾浓汤，以呢个价钱嚟讲可以话系正常，配埋香脆嘅面包条，唔错~
唔系话高级餐厅，餐具当然唔系话好精美，但都有湿纸巾供应，对客人都几细心。
除咗餐汤仲有香煎芝麻吞拿鱼配芒果沙沙，配埋啲沙律菜，细细碟够精神，如果吞拿鱼煎耐啲就应该会更好味。
set dinner嘅主菜拣咗 "香煎美国下肩舺翼板牛扒配青胡椒汁"，第一次见识下肩舺翼板，比一般牛扒少筋同肥膏，可以话系健康同口感更好之选。
遗憾嘅系牛扒系上碟时已经砌好，锁唔到肉汁之余仲令肉汁流哂出嚟，即刻令呢道菜扣咗好多分。
我吔另加咗个黑松露炒什菌嘅配菜，出奇地order完好快就有得食，应该唔似即煮而系将预先整好嘅加热，加上太多嘅蒜味盖过咗黑松露味，对呢个配菜有点失望。
另外散外咗一个主菜，本来想试特别啲嘅"未来汉堡"，可惜呢晚卖哂，转试Portabello 嘅，唔可以话有惊喜，但就真系好味，厚厚嘅Portabello令整个汉堡好有口感，仲有烘过嘅面包，好有满足感，仲有伴碟嘅粗薯条都值得赞。
张贴
