遖

营业中

休息中

我耐唔耐都会豪一次去食Omakase 一来对自己好啲 二来整体体验每次去都有惊喜 食到好多时令嘢遖 啲间日本餐厅就专门做Omakase 我去过几次气氛环境都非常好 环境舒适 师傅亦都好友善 去食厨师发板 同师傅个互动其实都唔少得 可以了解到食材嘅特色 又可以等佢知道你嘅喜好尽量安排得合你口味今次去到当然都有惊喜 前菜有五道 印象最深刻嘅系有苹果醋同渍物嘅蒟蒻面 口感丰富仲有苹果蓉 酸酸哋好开胃 作为一席菜嘅开始一流之后师傅准备咗生蚝同活海胆 话说系我食当日刚从日本到香港 净系听到都正啦 食落去当然都系啦 生蚝好新鲜偏爽口 海水味浓 好肥美 至于活胆见到个样都超吸引 好甜美鲜味 另外仲配上吞拿鱼腩蓉同三文鱼子 仲有少少金箔作点缀 边有得输 当然仲有一系列嘅鱼生同寿司啦 有金目鲷 女娓目 池鱼 等等 我就唔继一数出嚟 但要鲜味嘅有 要偏香浓嘅都有 食鱼本身嘅质感都一样有 当然师傅会配上适当嘅配料 就好似紫苏叶 竹炭盐 姜蓉等等 值得一提嘅系师傅嘅刀工 将鱼生嘅厚薄切得刚刚好 切工令食材更加出色作结嘅海胆寿司同烧带子都不得之了 有图有真相 到最后仲有蒸蛋 入边仲有只虾好弹牙 而甜品就有红豆奶