影片
更多
2024-10-25
210 浏览
餐厅以木系为主，同时亦有灯笼及仙鹤吊饰，环境坐得舒服，有好多窗边卡台私隐度够高；而我哋就喜欢坐吧头，感觉热闹又有气氛之余，师傅仲以长板将食物递给客人，上菜方式够哂独特🤠。呢度嘅晚市omakase有两款，而且仲好相宜，我哋拣咗只较平$468/位，长阪12旬彩席间料理12品。1) 面豉胡麻渍•鲍鱼•山葵豆腐清新wasabi配上嫩滑豆腐，嫩腍鲍鱼及带少少微辣嘅爽脆胡麻渍，令到胃口大开😆。2) 赤贝•八爪鱼•绣球菌赤贝鲜爽甜香，八爪鱼弹牙，绣球菌爽口，配上酸香柚子醋，配搭清新👍。3) 北海道带子配马粪海胆• 深海池鱼• 杯仔八爪鱼冲绳水云造型好靓，好有秋天气息，杯仔八爪鱼配合酸爽水云，好夹；马粪海胆新鲜绵密又鲜甜配搭鲜爽带子无得输；深海池鱼爽口鲜甜又肥美，食落似啱啱新鲜㓥开😋。4) 蟹肉明太子最中饼•伊达卷师傅话伊达卷系以蛋、海鲜及沙糖所做，是传统日本美食，味道甜香松软；蟹肉嘅咸鲜配合明太子嘅咸香再配合香脆嘅最中饼，好食😋。5) 鱼子鹅肝蒸蛋将传统嘅茶碗蒸融入创意意，用蛋壳做器皿蒸嘅蛋嫩滑，配合煎到非常香口又嫩腍嘅鹅肝及咸香鱼子，食落又滑又鲜香，相得益彰，好一只出奇蛋🤩。6) 牛胸腹•车厘茄烟
呢度嘅晚市omakase有两款，而且仲好相宜，我哋拣咗只较平$468/位，长阪12旬彩席间料理12品。
1) 面豉胡麻渍•鲍鱼•山葵豆腐
清新wasabi配上嫩滑豆腐，嫩腍鲍鱼及带少少微辣嘅爽脆胡麻渍，令到胃口大开😆。
2) 赤贝•八爪鱼•绣球菌
赤贝鲜爽甜香，八爪鱼弹牙，绣球菌爽口，配上酸香柚子醋，配搭清新👍。
3) 北海道带子配马粪海胆• 深海池鱼• 杯仔八爪鱼冲绳水云
造型好靓，好有秋天气息，杯仔八爪鱼配合酸爽水云，好夹；马粪海胆新鲜绵密又鲜甜配搭鲜爽带子无得输；深海池鱼爽口鲜甜又肥美，食落似啱啱新鲜㓥开😋。
4) 蟹肉明太子最中饼•伊达卷
师傅话伊达卷系以蛋、海鲜及沙糖所做，是传统日本美食，味道甜香松软；蟹肉嘅咸鲜配合明太子嘅咸香再配合香脆嘅最中饼，好食😋。
5) 鱼子鹅肝蒸蛋
将传统嘅茶碗蒸融入创意意，用蛋壳做器皿蒸嘅蛋嫩滑，配合煎到非常香口又嫩腍嘅鹅肝及咸香鱼子，食落又滑又鲜香，相得益彰，好一只出奇蛋🤩。
6) 牛胸腹•车厘茄烟肉卷•烧鸡皮
烧鸡皮脆卜卜，完全唔油腻；牛胸腹牛味浓又juicy ；咸香肥美嘅烟肉卷住多汁嘅车厘茄；食到第6道菜，道道都咁好食，而且仲越食越开胃添😍。
7) 烧三文鱼鲛
鱼鲛超肥美鲜甜，点少少酸醋汁或唧啲柠檬汁可减低油腻感之余又能提升味美😆。
8) 天妇罗 松叶蟹脚•冬菇 配绿茶盐
松叶蟹脚鲜甜多肉配超浓香绿茶盐，好夹；而冬菇配萝卜蓉酱油就更能突出菇味😋。
9) 烧扇贝
即席将柚子皮刨碎，清香扑鼻，并洒上带子面上，现场仪式感满满✨️。
10) 鲷鱼汤
超浓又鲜甜嘅鲷鱼汤，里面仲有几片鲜爽鲷鱼及一只胀卜卜鲜甜蚬肉，热辣辣又好味，饮多几碗都仲得😋。
11) 黑松露带子炒饭
饭粒炒得粒粒分明，黑松露味香浓，带子份量都唔少，炒得唔油腻，味道亦刚好😛。
12) 水玄饼黄豆粉黑蜜•柿• 巨峰提子梳打
晶莹滑溜嘅水玄饼配上黄豆粉黑蜜，甜香滑溜；柿子清甜唔苦涩；巨峰提子梳打嘅卖相好搞野，要将个泡泡波刺穿，就可以品尝到甜甜香香嘅饮品，连甜品都好有惊喜😆。
以晚市omakase $468/位有12道菜，有咁好嘅食物质素、创意、卖相及服务，而座位亦坐得好舒适，性价比非常高👍。
张贴
