寿々乃 (已搬遷) 新店位置

环境5分：楼上日本菜餐厅响铜锣湾崇光旁边，位置方便，入面Ｄ卡位枱够梳，响寿司吧食Omakase最新鲜同最享受，可以畀五分。卫生5分：灯够光，寿司厨房同吧位D枱面干净企理，Ｄ鱼生就响面前雪柜，够卫生，一样畀五分。服务5分： 一埋位就有热茶饮，效率好高。服务员落单，加茶，埋单都十分之爽手，大师傅好专业咁每样鱼生介绍，成条鱼响师傅手上面舞嚟舞去，真系大开眼界，服务当然满分。味道5分：1)     季节前菜拼盘之中最吸引就系剥左壳嘅红虾仁，用wasabi吊味食落非常鲜甜新鲜，绝对想再encore。然后隔离有个炸到脆卜卜嘅川海老，连壳都可以食埋。粒丹波栗子非常之甜。正方形件萝卜酸酸甜甜好开胃。2)     季节清汤好精致，打开个盖发现有旧卷同Ｄ秋季蔬菜，卷系用东寺盛产嘅腐皮包，入面嘅蟹肉同鱼肉好清好香。半碗嘅清汤就打开咗味蕾，迎接之后嘅鱼生寿司。3)     薄薄四片松鲽鱼鱼生，上面附上金箔，非常高级同新鲜，点酸汁食特别开胃。4)     两片厚切缟鲹鱼鱼生，食落非常之爽甜，估唔到生鱼肉可以咁爽。5)     日本北海道水八爪鱼鱼生拼盘当中包括吸盘同埋八爪鱼肉，好鲜甜同好特别，见到师傅攞成条八爪