曦

营业中

休息中

环境5分：炮台山日本餐厅，地舖一眼望哂个寿司吧，十个吧台位都对住两个师傅整野食，真系好享受同兴奋，畀五分。卫生5分：地方好干净光猛同卫生，一样畀五分。服务5分： 师傅非常专业，续样海鲜慢慢切同调味之后，上枱时再详细介绍。楼面只有一个服务员，但都好好招呼，不断加热茶，效率高，服务满分。味道5分：（㬢Omakase：HK$1,800/位）1) 咸渍物有萝卜，牛蒡，同淮山，全部都好开胃，见你食完又会添加畀你。2) 蒸蛋非常嫩滑，热辣辣，入面有松叶蟹，带子，虾，同瑶柱，好甜。3) 真鲷薄切中间夹住马粪海胆，口感一流，加埋Ｄ紫苏花好香。4) 沙甸鱼非常肥美，同芽葱卷埋一圈非常特别。5) 季节鸟贝非常爽甜，不用点任何酱汁，净食本身嘅鲜味。6) 原只马粪海胆放响枱面，用匙羹大大啖咁食，非常豪迈。7) 萤光鱿鱼通常都系冻食，烧过之后鱿鱼味特别出，同埋有一阵好香嘅味道。8) 象拔蚌非常爽甜。9) 间八鱼非常鲜甜，厚度切得啱啱好。10) 份量多嘅池鱼连长葱，面豉，辣椒等切碎，用紫菜包住嚟食，当你食完紫菜，师傅就会畀多一块你。11) 响螺放响寿司枱非常特别，食落非常爽甜。12) 大拖罗对上少少个位，熟成左几