鮨見 (已結業)

近期兴起食omakase 厨师发办，个厨师会因应当日食材为你准备各样刺身寿司料理，所以都会几有惊喜！我同fd都未食过，今日book左间系尖沙咀既楼上日本家庭风小店既omakase。 不过真系要预早订定枱同尽量唔好迟到，因为店主真系预左时间岩岩好，唔系食客会等上菜等得太耐。先有茶碗蒸同渍物做前菜，刺身七点每样都好新鲜，师傅仲会逐样为你介绍返，例如有深海池鱼，左口鱼同toro 等。寿司有五件，中意杋立贝大大粒，最吸睛系海量海胆杯，好少餐厅会咁豪爽比咁多海胆，所以食得好尽兴，弥补返日本思乡之苦。环境方面，摆满日式清酒，好有居酒屋感觉！