影片
更多
2018-03-22
1092 浏览
为庆祝朋友生日，今晚专程book咗一间新开业嘅日本高级餐厅食晚饭。由于一心想点Omakase，当然选择坐吧枱比较好，可以直接同师傅沟通，近距离了解佢用咩新鲜食材去制作料理。入座后，侍应随即送来一杯嬉野茶。嬉野茶绝对不能忽视，因为水是佐贺直送，佐贺水泡出来嘅茶清香味浓，加上侍应话所有杯及碟等用具都来自日本具代表性瓷器「有田烧」工艺，真系「哗」一声！好似身处日本咁，正！Omakase由前菜、刺身到主食及甜品，一共有九道。历时两个小时，我同朋友可以一边倾计，一边慢慢品尝美食，感觉relax！烧鱼干虽然唔知系咩鱼，但烧得脆口，连鱼头都可以食，令食欲大增。武雄芫茜沙律一般芫茜我同朋友都麻麻，但武雄芫茜外表虽似一般芫茜，不过入口口感却不同，比较爽脆，味道亦较淡及清，配少少柠檬汁加橄榄油，好好味。生蚝、带子、油甘鱼及拖罗厚切大拖罗肥美油脂丰富，入口充满油香。带子一开二都仲系珍宝size，鲜甜美味，生蚝系偏爽口的，一试倾心。森林芦笋及羽根蒜头天妇罗侍应话芦笋当造，种植时早、晚都可以收割一次，怪不得爽脆嫩口。蒜头亦好特别，有茎有根，以天妇罗方式炸完，香口松化。三濑鸡肉串烧简单原汁原味嘅鸡串，我配上少许盐
入座后，侍应随即送来一杯嬉野茶。嬉野茶绝对不能忽视，因为水是佐贺直送，佐贺水泡出来嘅茶清香味浓，加上侍应话所有杯及碟等用具都来自日本具代表性瓷器「有田烧」工艺，真系「哗」一声！好似身处日本咁，正！
Omakase由前菜、刺身到主食及甜品，一共有九道。历时两个小时，我同朋友可以一边倾计，一边慢慢品尝美食，感觉relax！
烧鱼干
虽然唔知系咩鱼，但烧得脆口，连鱼头都可以食，令食欲大增。
武雄芫茜沙律
一般芫茜我同朋友都麻麻，但武雄芫茜外表虽似一般芫茜，不过入口口感却不同，比较爽脆，味道亦较淡及清，配少少柠檬汁加橄榄油，好好味。
生蚝、带子、油甘鱼及拖罗
厚切大拖罗肥美油脂丰富，入口充满油香。带子一开二都仲系珍宝size，鲜甜美味，生蚝系偏爽口的，一试倾心。
森林芦笋及羽根蒜头天妇罗
侍应话芦笋当造，种植时早、晚都可以收割一次，怪不得爽脆嫩口。蒜头亦好特别，有茎有根，以天妇罗方式炸完，香口松化。
三濑鸡肉串烧
简单原汁原味嘅鸡串，我配上少许盐，已经够惹味。
西京烧鱼：
西京烧其实系酱料名称，主要用白味噌做成腌料。由于品尝肉鱼时，味道好浓郁，所以我估厨师应该腌渍咗一段时间先再烧烤，令鱼表面呈金黄。
角煮豚肉：
侍应告知是金星豚，肉质特别松软，加上脂肪分布均匀，肥瘦适中，系日本当地最顶级的豚肉之一。加上上菜前炙烧一下，更加香口肥味美。
三濑鸡浓汤豆乳制面：
用走地鸡及豆乳煲汤，味道浓郁，令淡味嘅面吸收晒浓汤。
白酒配蕃茄
呢个甜品好有惊喜。未食前，完全谂唔到蕃茄点做甜品。但原来用白酒嘅香味(已蒸发酒精)配上甜度有18%以上嘅蕃茄，竟然可以绝配。
一个出色嘅Omakase，不仅系一种味道，更系一种气氛，一种感受。我同朋友离开餐厅时，经理及侍应更一同90度鞠躬欢送我同朋友直至䢂门关上为止，咁好嘅服务只有之前去日本旅行先经历到。好窝心！
张贴
