影片
更多
2012-12-26
52 浏览
第一次登食评，长话短说，见某周刊介绍讲到好高，即刻订位试吓新嘢，我系食嘢嘅人，唔食环境嘅，所以𠮶啲唔评论，我𠮶晚叫omakase，佢有六种，分别系八百丶一千丶千二(净寿司或净鱼生)，我两位点了千二𠮶只但想有点鱼生有点寿司，侍应话帮我安排，但问我有什么一定要食，我已有点愕然，不是应该师父发办吗？然而我猜她是一番好意吧，咁我话uni同牡丹虾啦(谂死都实有㗎啦）。点埋支sake仔，满心欢喜等食好嘢，唔，冇啲海带呀牛篣呀咁嘅，算啦，等咗大概五分钟，嚟第一样嘢，我坐喺寿司吧，咦，乜唔系喺前面嚟师父俾嘅咩，搅乜系喺后面嚟，仲一嚟就三旧寿司，白身鱼，ok，我未见识过，就问师父（𠮶两句系我俩该晚第一次交谈，亦系唯一一次）好少见㖞，嚟寿司先嘅？佢话，你哋唔系食寿司咩，我澄清咗，佢话唔好意思，再搅过，咁我咪食𠮶三旧嘢食住等啦，质素一般，wasabi当然系两沟但粉多坚生葵少，见师父做紧嘢，有啲忙，但又冇鱼生俾我嘅？我已略感不妙，再过七八分钟，系啦....! 我濑嘢啦! 佢成盘鱼生用雪垫底上呀阴公 ! （当然又喺我后面嚟）有六种生嘢，包括𫚕鱼bully、左口、平贝、牡丹虾丶吞拿及中拖罗，每样两三四旧不等啦除咗
点埋支sake仔，满心欢喜等食好嘢，唔，冇啲海带呀牛篣呀咁嘅，算啦，等咗大概五分钟，嚟第一样嘢，我坐喺寿司吧，咦，乜唔系喺前面嚟师父俾嘅咩，搅乜系喺后面嚟，仲一嚟就三旧寿司，白身鱼，ok，我未见识过，就问师父（𠮶两句系我俩该晚第一次交谈，亦系唯一一次）好少见㖞，嚟寿司先嘅？佢话，你哋唔系食寿司咩，我澄清咗，佢话唔好意思，再搅过，咁我咪食𠮶三旧嘢食住等啦，质素一般，wasabi当然系两沟但粉多坚生葵少，见师父做紧嘢，有啲忙，但又冇鱼生俾我嘅？我已略感不妙，再过七八分钟，系啦....! 我濑嘢啦! 佢成盘鱼生用雪垫底上呀阴公 ! （当然又喺我后面嚟）有六种生嘢，包括𫚕鱼bully、左口、平贝、牡丹虾丶吞拿及中拖罗，每样两三四旧不等啦除咗虾梗系一只，我两个人每人一盘，我的天!! 我叫错定佢整错梅兰菊竹鱼生定食呢，我喺𠮶两三秒谂咗爱恩斯坦成世谂嘅咁多嘢，结果相对卵话我听冷静、唔好嘈、食咗佢、然后同侍应姐姐讲话够饱啦，可唔可以cut咁啲嘢食同时收顺少少（即系希望佢俾俾面收一千呀八佰呀一位咁），咁佢都好好话帮我安排，但点都有几件寿司跟住嚟，好啦，我话𠮶啲熟嘢如和牛呀就唔好嚟啦，其实𠮶一刻连小弟咁钟意食鱼生寿司嘅都食净几件梅兰菊竹，更諻论女友？我仲要吞埋佢𠮶几旧，刚吞，侍应又从后方送上一牛一马刺身寿司，未几，再以虾头膏、剑鱼及大拖寿司送我一程。
食毕，我九秒五埋单，连二百六嘅sake仔张单二千三四，唉，话平唔平话贵唔贵啦在香城嚟讲，但肯定大陆早几年好兴讲嘅「性价比」（性能/价格比率）一定好似我EQ咁低。看官自行判断啦。
注：喺咁嘅情况下，我当然冇心机影相啦。但回家途中，整件事仍沥沥在目，萦扰脑海之际，脑中忽闪出一件海胆寿司，系㖞，你去了哪呀？
张贴