上岸料理 (已結業)

之前食过一次Omakase，由师傅据当日有咩新鲜食材而决定当日既菜式，感觉好惊喜，于是今日去棉登径既上岸料理食多一次。餐厅装修简约，环境舒适。蟹子沙律新鲜爽口既蟹子，鲜甜既沙律菜加埋蟹柳，清新可口既前菜。日式矶煮鲍鱼鲍鱼带嚼劲又有咬口，酱汁香甜又够晒入味。串烧广岛蚝蚝肉口感滑溜，咬落去仲系充满水份冇被烧干，但味道淡左少少，少左咸香既味道。刺身拼盆眼仁奈呢个名好特别，我都系第一次食，鱼腥味几重，口感偏烟韧。金目鲷12月至2月品质最好，鱼身满布鱼鳞，肉质细腻。三文鱼三文鱼入口嫩滑，海胆最惊喜，味道鲜甜，有D海水味，但一D都唔腥，入口即化。关东煮材料有有鸡蛋、萝卜、竹轮、鱼饼同蒟蒻，虽然全部都唔系名贵既食材，不过胜在可以暖胃，系寒冬既天气饮啖热汤即刻暖晒。柠檬雪糕最后既雪糕柠檬味适中，酸酸甜甜，仲有D柠檬皮。今次同上次所食既Omakase有D分别，呢度熟食比较多，似居酒屋既感觉多D。