影片
更多
2022-09-10
91 浏览
铜锣湾劲抵食lunch omakase，本身已经唔贵，而家第二位仲有半价，真系好抵，仲要好丰富，味道都好味，难怪lunch都唔少客。我哋今次要咗$550嘅餐，已经包12件寿司😍首先系蟹肉蒸蛋，劲足料，蟹肉多到，啖啖肉好满足。寿司12贯:冲绳嘅目仁奈，淡味啲嘅鱼，不过比较肥美，上面嘅酱增加鱼嘅鲜味。福冈池鱼，池鱼嘅味道会比较重，加入蒜蓉葱花，好香。北海道鲛鲽鱼，油份都重，不过口感偏弹牙，加入昆布，好清新。福冈伊佐木，好肥美，而且劲厚切，鱼皮烧一烧，将油份逼出嚟，加埋七色芝麻，劲香口。北海道带子，加入竹炭盐、柠檬汁，带子好巨型，鲜甜无比。间八，鱼肉爽口，似油甘鱼嘅口感，加入芥末，好香口。琵琶津鱼，𠮶样好似三文鱼，但系味道唔同，口感肥美，加入柚子胡椒，突显鱼嘅香味。金目鲷，用木烟醺过，有木香，外层皮烧一烧，加入昆布渍，甜甜哋辣辣哋，好香。深海赤虾，爽口弹牙又鲜甜，加入味噌虾膏，好香虾味又唔会盖过佢嘅鲜味。冲绳海鲈鱼，鱼油味好香，烧完加入三星渍，非常夹，外层嘅皮仲烧得好香，好味。鹿儿岛中拖罗，鱼味都几重，油份亦唔轻，加入大葱丝，好味。海胆鱼子杯，今期用冲绳嘅白海胆同腌过嘅三文鱼子，带有少少酒香
首先系蟹肉蒸蛋，劲足料，蟹肉多到，啖啖肉好满足。
寿司12贯:
冲绳嘅目仁奈，淡味啲嘅鱼，不过比较肥美，上面嘅酱增加鱼嘅鲜味。
福冈池鱼，池鱼嘅味道会比较重，加入蒜蓉葱花，好香。
北海道鲛鲽鱼，油份都重，不过口感偏弹牙，加入昆布，好清新。
福冈伊佐木，好肥美，而且劲厚切，鱼皮烧一烧，将油份逼出嚟，加埋七色芝麻，劲香口。
北海道带子，加入竹炭盐、柠檬汁，带子好巨型，鲜甜无比。
间八，鱼肉爽口，似油甘鱼嘅口感，加入芥末，好香口。
琵琶津鱼，𠮶样好似三文鱼，但系味道唔同，口感肥美，加入柚子胡椒，突显鱼嘅香味。
金目鲷，用木烟醺过，有木香，外层皮烧一烧，加入昆布渍，甜甜哋辣辣哋，好香。
深海赤虾，爽口弹牙又鲜甜，加入味噌虾膏，好香虾味又唔会盖过佢嘅鲜味。
冲绳海鲈鱼，鱼油味好香，烧完加入三星渍，非常夹，外层嘅皮仲烧得好香，好味。
鹿儿岛中拖罗，鱼味都几重，油份亦唔轻，加入大葱丝，好味。
海胆鱼子杯，今期用冲绳嘅白海胆同腌过嘅三文鱼子，带有少少酒香，好好味。
昆布乌冬，好特别呀，加入啲粉状嘅嘢，黏黏嘅口感，好特别。乌冬好幼滑，汤都好清，非常唔错。
最后甜品拣咗开心果雪糕，颜色望落好似好淡，但系食好香好重开心果味，好好味呀，以佢嚟结束一餐，真系完美。
张贴
