Nood Food

营业中

休息中

一向都钟意食wrap ，有一晚做完少少work out，唔想食太饱，就试吓三文鱼卷。价钱系偏贵，不过胜在方便。Staff会问你想唔想返热，即场食就当然要啦，等咗一阵就有。打开包装纸，夹扁咗之后都唔系好大份，摸上去只系微温。咬第一啖觉得唔系好够热，不过卫生缘故，就唔方便叫Staff再帮我加热。建议大家想食热辣辣嘅wrap，order时可以要求要整热啲。虽然系咁，馅料都几丰富，食得出有三文鱼、青瓜、Yogurt、菠菜。青瓜仲系爽脆，而且几饱肚。可能因为有Yogurt，个馅系比较湿。我就好OK，因为最怕食干噌噌嘅wrap或者三文治，但如果大家平时食包要走酱，呢款就未必啱你。夜晚冇乜人，连两张窗口枱都冇人坐，当晚舒舒服服完成晚餐。