影片
更多
2010-06-12
7 浏览
呢编食评对我嚟讲有双重意义, 第一, 呢编系第一百编, 我成功升级!!! 第二, 呢个系我第一次参加openrice试食!!! 当日未够三点已经到咗, 但要等齐所有朋友仔先开始食, 亦都比咗d时间大家互相认识, 我估计等咗唔系好耐, 三点三左右人齐, 开始上食物.................... 极上刺身 -> 有三文鱼, 吞拿鱼, 虾, 八爪鱼, 带子(面有黑色蟹籽), 每款只得2-3片, 完全唔够每人每款都试到, 我除咗三文鱼外, 其他都试到, 好厚切, 好好口感, 好新鲜................. 蕃茄沙律 -> 用日本温室蕃茄, 加上芝麻酱, 沙律汁等, 再伴以小麦草及菜丝, 个蕃茄好大个, 一d都唔酸, 个汁有芝麻香, 但感觉会 "溜" 咗d~~ 天玉海老反卷 -> d虾炸得几脆 吞拿鱼芒果卷 -> 芒果望落好酸, 但食落又唔酸wor~~ 但d芒果味盖过鱼生d味, 好似食紧芒果寿司咁~~ 明太子酿烧鸡翼 -> 可能我唔钟意食明太子, 所以觉得唔好食, 而且冇乜鸡翼肉, 但炸得几香, 食鸡翼最怕遇到的就系有鸡毛..
当日未够三点已经到咗, 但要等齐所有朋友仔先开始食, 亦都比咗d时间大家互相认识, 我估计等咗唔系好耐, 三点三左右人齐, 开始上食物....................
极上刺身 -> 有三文鱼, 吞拿鱼, 虾, 八爪鱼, 带子(面有黑色蟹籽), 每款只得2-3片, 完全唔够每人每款都试到, 我除咗三文鱼外, 其他都试到, 好厚切, 好好口感, 好新鲜.................
蕃茄沙律 -> 用日本温室蕃茄, 加上芝麻酱, 沙律汁等, 再伴以小麦草及菜丝, 个蕃茄好大个, 一d都唔酸, 个汁有芝麻香, 但感觉会 "溜" 咗d~~
天玉海老反卷 -> d虾炸得几脆
吞拿鱼芒果卷 -> 芒果望落好酸, 但食落又唔酸wor~~ 但d芒果味盖过鱼生d味, 好似食紧芒果寿司咁~~
明太子酿烧鸡翼 -> 可能我唔钟意食明太子, 所以觉得唔好食, 而且冇乜鸡翼肉, 但炸得几香, 食鸡翼最怕遇到的就系有鸡毛................咁都比我见到, 仲要好明显好大条.........
帆立贝串烧 -> 烧得太干, 搞到d裙边变硬, 而且好大条屎呀..............
盐烧秋刀鱼 -> 烧得好香, d皮好脆, 而且又唔觉好腥
辣酒煮花螺 -> 好鬼死辣, 因为我唔食得辣.............竟然舖底果d萝卜仲好食过d花螺, d萝卜好甜, 又冇渣, 相反d花螺就略微细只咗d, 唔系好够喉.........
海胆军舰 -> 见到海胆有d阴影, 因为之前响x气食过, 超腥, 自此之后我就冇食过海胆..........但今次试食, 所以乜都要食, 我鼓起勇气放入口, 哗...............好食呀!!!完全唔腥, 我终于知道海胆系乜野味喇~~~
三文鱼子军舰 -> 唔错, 其他人话腥腥地, 我就反而唔觉佢腥, 可能我之前食过果d仲腥, haha~~
帆立贝寿司 -> 好厚肉, 好鲜甜, 但都系觉得板x好食d
豚肉手打汤乌冬 -> d豚肉少许偏肥, d乌冬冇想像中咁弹牙, 林咗少少, 但D汤几甜, 好似话用好多料去煲架!!!
蒲烧鳗鱼石烧饭 -> 好少鳗鱼, 唔够分..........个汁又系辣辣地, 不过只落咗少少, 所以受得到, 原来日本D石烧饭系唔要有饭焦架!!! 下次千其唔好投诉喇!!
豚肉㶽 -> 由上枱点火到个火烧尽熄埋, 个㶽都系未滚过........连虾眼都未到........但好彩都热...........有豚肉, 金菇, 豆腐, 娃娃菜, 泡菜, 葱等等..........豚肉偏肥, 豆腐吸唔到D汤味, 但娃娃菜就吸到D汤, 所以好食D..............个汤我觉得同汤乌冬系同一个汤底..........
其实基本上食物唔差, 服务都可以, 但唔可以代表平时都系咁, 因为始终我地摆明系试食, 佢地一定做到好好(个人认为), 除非系秘密试食, 咁就可以作准, 因为佢始终系味x集团, 我唔系太有信心lor~~
今次试食好开心, 有得免费食之外, 仲识到好多朋友, 希望下次有愿再相遇...............但有少少失望...........就系冇甜品食..........而且冇coupon送.......... ** 多谢openrice **
张贴
