影片
更多
2017-06-21
553 浏览
去咗旺角嘅OPPA韩国烧肉店，佢系晌花园街附近，行完街嚟就啱啱好。之前行过成日都见出面有条人龙，呢日早咗少少嚟就无乜人。入面同大部份韩式烧肉店大同小异，反而墙上用牛同猪做主题嘅彩绘就几得意。早嚟嘅好处除咗唔洗等，仲可以试佢哋个早割四人餐，包括四式韩牛拼盘、牛胸白肉片、猪五花腩、韩式冰镇蚌片、牛排骨汤、铁板芝士墨汁炒饭，就咁睇餐牌已经觉得丰富。墙上面仲挂咗啲围裙，系俾啲食客用嘅，咁就唔怕烧肉时俾油弹到件衫喇。佢哋仲有提供麦茶，都几解腻。我哋见有几款特色饮品，就叫埋嚟试。蜜瓜冰蜜蜜系用蓝色沙冰为主，杯入面仲有一支韩国蜜瓜雪条，等佢慢慢溶咗之后就会有渐变效果，味道微甜都唔错。菠萝冰嘅沙冰都打得几幼细，甜甜哋咁。店员仲拎咗几碟泡菜、大豆芽、昆布、生菜，可以用嚟做前菜又可以用嚟夹烧肉食，另外仲有烧汁、甜辣酱、盐油、蒜片辣椒等等用嚟点烧肉食。韩式冰镇蚌片，下面仲有大量大豆芽同虫草花，口感清新爽脆。牛排骨汤，牛排骨肉煮得非常软身，萝卜甜同埋无渣，仲加咗啲红枣，汤味香浓。然后就系烧肉时间，先烧油份比较多嘅猪五花腩。同大部份韩式烧肉店嘅龟背铁板唔同，呢度用嘅系平底式设计铁板，中间烧肉、侧边分别用嚟烤泡菜
去咗旺角嘅OPPA韩国烧肉店，佢系晌花园街附近，行完街嚟就啱啱好。
之前行过成日都见出面有条人龙，呢日早咗少少嚟就无乜人。
入面同大部份韩式烧肉店大同小异，反而墙上用牛同猪做主题嘅彩绘就几得意。
早嚟嘅好处除咗唔洗等，仲可以试佢哋个早割四人餐，包括四式韩牛拼盘、牛胸白肉片、猪五花腩、韩式冰镇蚌片、牛排骨汤、铁板芝士墨汁炒饭，就咁睇餐牌已经觉得丰富。
墙上面仲挂咗啲围裙，系俾啲食客用嘅，咁就唔怕烧肉时俾油弹到件衫喇。
佢哋仲有提供麦茶，都几解腻。
我哋见有几款特色饮品，就叫埋嚟试。蜜瓜冰蜜蜜系用蓝色沙冰为主，杯入面仲有一支韩国蜜瓜雪条，等佢慢慢溶咗之后就会有渐变效果，味道微甜都唔错。
菠萝冰嘅沙冰都打得几幼细，甜甜哋咁。
前菜
12 浏览
1 赞好
0 留言
店员仲拎咗几碟泡菜、大豆芽、昆布、生菜，可以用嚟做前菜又可以用嚟夹烧肉食，另外仲有烧汁、甜辣酱、盐油、蒜片辣椒等等用嚟点烧肉食。
韩式冰镇蚌片，下面仲有大量大豆芽同虫草花，口感清新爽脆。
牛排骨汤
14 浏览
0 赞好
0 留言
牛排骨汤，牛排骨肉煮得非常软身，萝卜甜同埋无渣，仲加咗啲红枣，汤味香浓。
猪五花腩
12 浏览
0 赞好
0 留言
然后就系烧肉时间，先烧油份比较多嘅猪五花腩。
猪五花腩
12 浏览
0 赞好
0 留言
同大部份韩式烧肉店嘅龟背铁板唔同，呢度用嘅系平底式设计铁板，中间烧肉、侧边分别用嚟烤泡菜蛋、蒜片辣椒或者摆烧好未食想保温嘅烧肉。
铁板微微倾斜向一边，可以等多余嘅油份晌末端嘅坑位流走。当铁板烧焦嘅时候，店员就会用铲仔铲走表面焦黑部份，再用生菜抹一抹铁板，唔洗另外换一块，都几方便。
猪五花腩
28 浏览
0 赞好
0 留言
烧好之后嘅猪五花腩肉质松化，仲可以按个人喜好夹生菜或其他前菜一齐食。
泡菜蛋都几惹味，只要𠮶间韩式烧肉店有提供泡菜蛋，我都会加多少少印象分。
套餐原本系牛胸白肉片，可惜当日卖晒换咗做牛柳粒，几有嚼劲。
四式韩牛拼盘
23 浏览
0 赞好
0 留言
四式韩牛拼盘，对于钟意食牛嘅人嚟讲几吸引，佢哋仲特登整咗啲标签嚟识别。
四式韩牛拼盘
25 浏览
0 赞好
0 留言
逐一试四款牛肉，封门柳爽口，韩牛颈脊牛味重，下腹牛肋肉有咬口，雪花腩片有油香。
几款烧肉之中，我哋就比较钟意雪花腩片同猪五花腩。
食完所有烧肉之后，店员就会拎一盘用嚟整炒饭嘅食材嚟，分别有墨鱼汁、墨鱼粒、青口、带子、虾、西兰花、茄子、紫洋葱、辣椒、蒜片同白饭等等。
店员先将海鲜等等食材放晌铁板上面烧，之后就加白饭、墨鱼汁、墨鱼粒，再用纯熟嘅手势炒呀炒。
不消一会铁板墨汁炒饭就完成，食起嚟都几惹味。
总结嚟讲四人套餐未计加一先$398，的确几抵食。唯一不足嘅系抽风同冷气一般，走𠮶阵全身都充满浓烈嘅油烟味。
（附上影片，openrice要电脑桌面版先可以睇到）
张贴
