Sixer Burger (已結業)

同事放假 一个顶两个 八点几先收工 死人都要食番啲好野等自己开心下 入到千色汇见到哩间细细地又咁啱有位就入去试下 叫左个龙虾牛肉汉堡配香草忌廉柠檬汁$198加$26有薯条同餐汤 等左五分钟到就有汤 今晚系蕃茄罗勒忌廉汤 估唔到又几好味 酸酸地最紧要系热辣辣 汤最紧要系够热!!等多阵主角就出场喇 好吸睛 除非系大口九如果唔系都冇可能一啖咬哂全个汉堡包 唯有逐层尼😋 包应该系猪仔包但好松软 牛肉好juicy 冇谂过龙虾可以用尼做汉堡 龙虾好厚肉 有诚意 👍🏻加埋个汁尼食感觉好清新 另外不得不赞个薯条 外脆内软仲要系热既 哩度果然有惊喜😋😋