影片
更多
2017-11-24
6678 浏览
雖然結咗婚，但我都唔想無咗同老公每個月出嚟食飯嘅習慣，所以趁住69個月就出下嚟食飯，可惜嘅係我地兩個都要OT，所以最後佢就我到我公司附近打邊爐，好彩之前試過幾次醉翁亭，今次求求其其得嚟都叫有保証。而且都不過係3百頭一個人就任食火鍋，其實算抵話說我發現呢度同其他分店唔同嘅地方，係一直都係食開鮑魚，但係呢間舖係每一個星期都唔同今次係花膠啊!!! 雖然唔係話好大塊，不過忟得好入味同埋軟腍，不過西蘭花有啲凍....但overall 嚟講都好好食，特別係冬菇好厚肉。套餐入面送嘅刺身拼盤，有厚切三文魚、北寄貝、希靈魚同魷魚刺身，本來我以為質素都係麻麻，但係食落又發現其實新鮮架喎，任食放題嚟講，都算係唔錯，我食咗北寄貝同希靈魚，真係一啲腥味都無。佢地嘅海鮮拼盤亦同之前一樣咁有體頭，啲蝦一啲都唔「梅」而且入口啲蝦肉好爽口，魷魚片都係，本來以為用啲唔新鮮嘅雪藏貨，點知入口超新鮮，一啲雪味都無! 更唔好講蟶子皇，真係入口彈牙，保持一貫水準。本來我都唔係好鍾意食魚，諗住掉入鍋度滾下散下啲味，點知肉質超滑，而且真係好少骨。老公揀咗個鴛鴦鍋，我好鍾意佢個清湯皮蛋芫茜豆腐，真係好足料，啲食料好似食極都有咁，而且
話說我發現呢度同其他分店唔同嘅地方，係一直都係食開鮑魚，但係呢間舖係每一個星期都唔同
今次係花膠啊!!! 雖然唔係話好大塊，不過忟得好入味同埋軟腍，不過西蘭花有啲凍....但overall 嚟講都好好食，特別係冬菇好厚肉。
套餐入面送嘅刺身拼盤，有厚切三文魚、北寄貝、希靈魚同魷魚刺身，本來我以為質素都係麻麻，但係食落又發現其實新鮮架喎，任食放題嚟講，都算係唔錯，我食咗北寄貝同希靈魚，真係一啲腥味都無。
佢地嘅海鮮拼盤亦同之前一樣咁有體頭，啲蝦一啲都唔「梅」而且入口啲蝦肉好爽口，魷魚片都係，本來以為用啲唔新鮮嘅雪藏貨，點知入口超新鮮，一啲雪味都無! 更唔好講蟶子皇，真係入口彈牙，保持一貫水準。
本來我都唔係好鍾意食魚，諗住掉入鍋度滾下散下啲味，點知肉質超滑，而且真係好少骨。
老公揀咗個鴛鴦鍋，我好鍾意佢個清湯皮蛋芫茜豆腐，真係好足料，啲食料好似食極都有咁，而且湯底清甜。另外，個沙嗲湯底都係好入味。
先嚟咗個墨魚滑，佢加入咗少少西芹，增加個口感，雖然知道我地係兩個人，但係都唔會俾好細舊你，賣相唔錯
入口彈牙~
另外，隨套餐附送的牛頸脊，都係好正，記得上次去銅鑼灣食，俾我爸爸掃哂咁滯，今次真係可以慢慢食
油脂分佈尚算平均，唔算話太有肉味，但係入口無雪味，有口感。
總括而言，其實加埋啲服務嚟講，呢個價錢，真係質素保証，而且一晚換成3,4次碟，真係好到無話可說。
张贴
