神燈燒 (已結業)

本来book咗星期五晚八点六位，咁我哋成班就早到咗啦，七点搭九到。咁个reception 话要等十五分钟，咁冇所谓啦系我嘅哋早到。等到八点翻去，reception 又话要等多十五分钟。咁梗系燥啦，book咗位都仲要等，追问下佢就话咁啱有人埋单，执埋枱就入得。我哋企喺度等多咗十分钟，完全冇人理过我哋，问另一个呀姐又话入得入得，入去一望原来系分开两张枱坐，我哋即刻当堂走人唔食。首先book咗位都仲要等十五分钟已经有啲过分，入面仲要乌烟瘴气，完全冇烧肉店会有嘅抽油烟机。跟住去到仲谂住hea多我哋十五分钟，一味话就得有位，一味要人喺入边罚企。今时今日咁嘅服务态度真系非常欠佳，黄店都咁话。